اقرا عن مواقف الصحاب و الصحاب ما بين الافضل والاسوء !!

اقرا عن مواقف الصحاب و الصحاب ما بين الافضل والاسوء !!

 

المؤلف : احمد سعد 

محدش سأل نفسه قبل كدة يوم يعنى ايه صاحب ؟!

ولو فى حد سأل نفسه قبل كدة ياترى لاقى الاجابة؟؟

اكيد فى ناس عرفت الاجابة وناس لأ

انا بقى بكلم الناس اللى لأ لان الناس اللى عرفوا الاجابة اكيد اكيد حسوها لان الصحوبية مش بالكلام ابدا

الصاحب فاعل

اول حاجة : يعنى ايه صاحب ؟
اقولك انا بقى يا سيدى,الصاحب ده حاجة عجيبة اوى مش ممكن تتفهم يعنى مثلا لو بتفكر فى حاجة تعملها هتلاقى بالك تلقائيا راح عليه

يعنى لو حصلك اى مشكلة فى اى حاجة تلاقى ايديك لوحدها ماسكة التليفون وبتطلبه

اى مصيبة عايز تعملها هو بيكون قبل منك فيها

وتلاقى دايما افكركم متشابهة جدا وده بسبب القرب بينكم اوى

انا طبعابتكلم عن الصاحب اللى معاك كل يوم زى ظلك

بس يا معلم الصحاب انواع وانا مسمى كل نوع بأسم معين

اولواحد اسمه "الانا" والنوع ده هو النوع اللى انا لسه متكلم عليه فوق دلوقتى وسبب الاسم ده ان هو فعلا بيبقى نسخة منك لدرجة ان لو حد غريب شافكوا ممكن يقول عليكم اخوات او قرايب بسبب تبادل الافكار بينكم

وعلى فكرة النوع ده من الصحاب بيشيل عنك همومك كلها وكمان بيستمر معاك طوال ياتك الا اذا تحول للنوع الثانى وهو

"المتحول" وسبب الاسم ده ان هو كان فى يوم من الايام النوع الاول بالنسبالك وفجأة يتحول 180 درجة ومتعرفش ليه حصل كدة ويبدأ يبعد عنك

لحد ما تنقطع بينكم العلاقات وتبقى العلاقة ما هى الا سلام بالصدفة اذا اتقبلتم فى اى مكان ده كمان اذا تم السلام والنوع ده بيبقى وحش جدا لانه عاش معاك معظم ايامك وعرف سرك وحياتك وممكن يكشفها قدام اى حد ويفضحك سرك لان حياتك كانت كتاب مفتوح قدامه

اما النوع الثالث بقى اسمه "البعيد"وسبب الاسم ده انه بيبقى هو بالظبط النوع الاول بس لظروف ما بيبقى بعيد عنك ممكن لسبب الدراسة او العمل او بعد السكن ولكن عندما تتقابلا تكونوا زى النوع الاول بالظبط

النوع الرابع اسمه "المصلحة" يعنى يعرفك عشان المصلحة وبس ولما تخلص مصلحته يدور علىها مع غيرك وهى دى حياته

النوع الخامس ده بقى غريب جدا اسمه "مزاجى" يدور عليك عشان مزاجه سواء المزاج ده كانت القعدة الحلوة او الضحك او النكت او الترفيه او اى شئ اخر, ولو مزاجه عندك تلاقيه معاك على طول لكن مع الانتهاء ينتهى وفيه شبه من النوع الرابع

النوع السادس بقى والاخير اسمه "التيارى" والنوع ده مش وحش وهو الصاحب اللى كل فين وفين لما تشوفه,ولما تشوفه ترحب بيه لانك مشوفتش منه حاجة وحشة تضايق عشان كدة انت بتعامله عادى وبتلقائية

هى دى بقى الصحوبية

شوف نفسك انت اى صاحب مع كل شخص

وشوف انواع صحابك بالنسبالك :D